ઔકાત
“દુલારી, તને કેટલી વખત ના પાડી છે, પણ પાછી તું તારા છોકરાને અહી લઈને આવી. કલાક મોડી પણ આવી છે.” શેઠાણી દામિનીબેન ગુસ્સે થઈને વાત કરી.
“શેઠાણી, હું દિપકને સ્કૂલેથી સીધી અહી લાવી છું. મારો દિપક ભણવામાં સારો છે, આટલો નાનો આઠ વરસનો છોકરો હું ઘરે મૂકીને કઈ રીતે આવું ?” દુલારી કામવાળીએ રજૂઆત કરી.
“પણ એ મારી દીકરી દિશા જોડે જ રમે છે, શેઠાણી અને કામવાળીના છોકરાં સાથે રમે એ કઈ શેઠાણીને ગમે ? મારી દીકરી દિશામાં પણ તેના જેવા જ સંસ્કાર પડશે, તેનું તને ભાન છે કાઇં ? શેઠાણી હવે વધારે ગુસ્સે થયા.
“તમારી ઔકાત ક્યાં અને અમારી ઔકાત ક્યાં ? તમે લોકો ચાલીના એક ઓરડામાં રહો છો, તેનાથી તો અમારું બાથરૂમ મોટું છે. તને કાઇં ભાન પડે છે કે નહીં.” શેઠાણી અભિમાનપૂર્વક ગર્જી ઉઠ્યા.
“બેન સાહેબ, પોતાના પૈસાનું અભિમાન સારું નહીં. આજે તમારી આગળ પૈસા છે, શેઠનો વેપાર જોરદાર ચાલે છે. અમારો પણ એક જમાનામાં સુંદર બંગલો હતો. ત્રણ વરસ પહેલા અચાનક દીપકના પપ્પાનું મોત થતાં અમારી માઠી દશા બેસી ગઈ. ખોટા ખોટા લેણદારોએ આવીને અમારી બધી મૂડી લઈ લીધી. છેવટે ગાડી અને બંગલો વેચાઈ જતાં અમે રોડ પર આવી ગયા. બેન, અત્યારે અમારો આધાર આ દિપક જ છે, હું આવા નાના મોટા કામ કરીને ગુજરાન ચાલવું છું.” કહેતા કહેતા દુલારીબેન રડવા જેવા થઈ ગયા.
“સારું, સારું.” દામિનીબેનને દયા આવી પણ તમે તમારા દીકરાને બહાર ગાર્ડનમાં બેસાડો. તેમને દુલારીબેન જેવી સારી કામવાળી મળવી મુશ્કેલ હતી.
બહાર બગીચામાં એકલા રમતા દિપક આગળ સાત વરસની દિશા પહોંચી ગઈ. તેને દિપક સાથે રમવું બહુ ગમતું હતું.
સમયનું પંખી ઉડતું રહ્યું. ધીમે ધીમે કરતાં કેલેંડરમાં વીસ વરસ ઊડી ગયા.
દુલારીનો દિપક ભણીગણીને ડોક્ટર બની આગળ ભણતો રહી એક સારો કાર્ડિઓલોજિસ્ટ બની ગયો હતો. તેને માટે સારી છોકરીઓના માગાં આવતા, પણ તે હજી નાનપણની ખાસ મિત્ર દિશાને ભૂલ્યો ન હતો.
વરસો વીતી ગયા, પછી તે દિશાને શોધવા તેના બંગલે ગયો, પણ તેને જાણ થઈ કે શેઠના અવસાન પછી બંગલો વેચાઈ ગયો હતો. દામિનીબેન અને દિશા ક્યાં જતાં રહ્યા તેની કોઈને જાણ નહોતી. તે બંગલાના ગાર્ડનમાં આંટો મારી આવ્યો.
અઠવાડીયા પછી તે વોર્ડમાં રાઉન્ડમાં હતો
અને એક હાર્ટએટેકનો ઈમરજન્સી કેસ આવ્યો.
“સાહેબ, અમે ગરીબ છીએ, પણ મારી મમ્મીની સારવારમાં કોઈ કમી ન રાખતા અમારી પાસે હાલ બીપીએલ કાર્ડ નથી પણ બે દિવસમાં આવી જશે. અચાનક ચક્કર આવીને મારી મમ્મી પડી ગઈ અને બેભાન બની ગઈ છે.” કહેતા સુંદર દેખાતી યુવતી રડી પડી.
“અરે આ તો દિશા જ લાગે છે.” જેને હું કેટલા વખતથી શોધી રહ્યો છું. વિચારતા દીપકે કેસ પેપરમાં દર્દીનુ નામ દામિનીબેન દેવજીભાઇ દામાણી વાંચી લીધું. તેણે મન દઈને સારવાર ચાલુ કરી દીધી. દિશાને પણ બધી જ મદદ કરતો રહ્યો.
ચાર દિવસમાં તો દામિનીબેન સાજા સારા થઈ ગયા. દિપક તેના મમ્મી દુલારીબેનને પોતે પસંદ કરેલી છોકરી જોવા વોર્ડમાં લઈ ગયો. દુલારીબેન પોતાના જૂના શેઠાણીને જોઈ ખુશ થઈ ગયા. તેમણે દિશા માટે પોતાના દીકરા દીપકની વાત કરી. દામિનીબેન ક્ષોભિત થતાં બોલ્યા, “અમારી શું ઔકાત છે, તમારો દીકરો આટલો મોટો ડોક્ટર છે.”
“બહેન, ઓળખાણ પડી, હું તમારે ત્યાં કામ કરતી તે દુલારી અને આ મારો દીકરો દિપક.” કહેતા દુલારીબેન તેમને પગે લાગ્યા.
“મારો દિપક તમારી દીકરી દિશા માટે હજુ સુધી કુંવારો રહ્યો છે. બંનેને નાનપણથી જ સારો મનમેળ હતો.” દુલારીબેને ફોડ પાડ્યો. દિશા શરમાઈને નીચું જોઈ ગઈ.
“બહેન, હવે મને ખબર પડી કે માણસની ઔકાત તેના પૈસા અને ગાડી બંગલાથી નહીં, પણ તેના ભણતર, ચરિત્ર અને સંસ્કારથી જ મપાવી જોઈએ.” કહેતા દામિનીબેન રડી પડ્યા.
દીપકે ખુશ થઈ કાજુકતરીના ખોખામાથી એક પીસ
કાઢી અડધો પીસ દિશાને આપતા કહ્યું, “યાદ આવે છે કાઇં ?” દિશાએ શરમાતા અડધો પીસ મોં માં મૂકીને રડી પડી. બંનેની
ઔકાત બદલાઈ ગઈ હતી, પણ પ્રેમ અકબંધ હતો.
------------------------------x--------------------------------x---------------------------------x------------------------
If you like story & also watch video & more details join us below link
Facebook page - https://www.facebook.com/profile.php?id=61564881283606
Youtube Link - https://www.youtube.com/@drharshadkamdar4852
Instagramme Link - https://www.instagram.com/drharshadkamdar/?hl=en
Twitter Link - https://x.com/HarshadKam2312
Linked in Link - https://www.linkedin.com/in/dr-harshad-kamdar-62983815a/
ઔકાત- ગુજરાતી લઘુ બોધ વાર્તા
Gujarati Motivational Short Story, Inspirational Stories, gujarati writer, gujrati sahitya, gujarati, Romantic Story, Love, Family, Culture Tradition, Social issue, Rural life, Urban life, Identity, Morality, Human relationship, Moral Stories, Inspirational, Motivational, Family & Relationship, Culture & Traditions, Slice of Life, Love Stories, Gujarati Love Story, Gujarati Romance Story, Gujarati Motivational Story, Gujarati Social Story,
#gujratisahitya #ekvichardilthi #gujaratiwriter, #gujaratiquotes, #gujjuwriter #gujarat, #gujju #gujaratiquotes #vichar #gujarat #gujju #ahmedabad
Disclaimer
This content is my own innovative creation, There is nothing related with any people live or death, It is fictious work and not reality. Nobody can use without my written permission
